ବିଶେଷକରି ରାବଣ ଭୂମିକାରେ ନିଖୁଣ ଅଭିନୟ ପାଇଁ ଅନୁଷ୍ଠାନର ସଭାପତି ତଥା ବୌଦ୍ଧ ପୌର ପରିଷଦର ଅଧ୍ୟକ୍ଷ ମୃତ୍ୟୁଞ୍ଜୟ ମିଶ୍ରଙ୍କ ସମେତ ମନ୍ଦୋଦରୀ ଭୂମିକାରେ ଜଗଦୀଶ ବାରିକ, ତରଣୀସେନ ରଞ୍ଜନ ବାରିକ, ପଦ୍ମା ଜିତେନ୍ଦ୍ର ମହାନ୍ତି, ବିଭିଷଣ ପ୍ରମୋଦ ପ୍ରଧାନ, ରାମ ଶିରିଶ ବେହେରା, ଲକ୍ଷ୍ମୀଣ ଜନାର୍ଦ୍ଦନ ମିଶ୍ର, ସୀତା ବିଶ୍ଵାମିତ୍ର ସାହୁ, ହନୁମାନ ଶାନ୍ତାନୁ ବେହେରା, ଅଙ୍ଗଦ ସତ୍ୟଜିତ ମିଶ୍ର, ସୁଗ୍ରୀବ ଦୀବାକର ଜେନା, କାଳନେମୀ ମନୋଜ ସାହୁ ଅଭିନୟ କରିଥିବା ବେଳେ ସଙ୍ଗୀତ ନିର୍ଦ୍ଦେଶକ ଭାବରେ ଗୁରୁ ଶ୍ରୀ ତୁଷାରକାନ୍ତ ପଟ୍ଟନାୟକ ମଧ୍ୟ ଉପସ୍ଥିତ ଥିଲେ । ସମସ୍ତ କଳାକାରମାନଙ୍କୁ ମଞ୍ଚରେ ସମ୍ବର୍ଦ୍ଧିତ କରାଯାଇଥିଲା। ଏହି ସଫଳତା କେବଳ ବୌଦ୍ଧ ଶ୍ରୀ ରାମଲୀଳା ନାଟ୍ୟ ସଂସଦ ପାଇଁ ନୁହେଁ, ବରଂ ବୌଦ୍ଧର ପାରମ୍ପରିକ ଲୋକକଳା ଓ ଲୋକନାଟକ ପାଇଁ ମଧ୍ୟ ଏକ ଗର୍ବର ମୁହୂର୍ତ୍ତ। ରାଜ୍ୟସ୍ତରୀୟ ମଞ୍ଚରେ ବୌଦ୍ଧର କଳାକାରଙ୍କ ଏହି ସଫଳ ପରିବେଷଣ ଆଗାମୀ ଦିନରେ ଲୋକକଳାକୁ ଆହୁରି ଉତ୍ସାହିତ କରିବ ବୋଲି ଆଶା କରାଯାଉଛି।
Tags
Odisha